Nú er mótatímabil okkar hestamanna hafið og vorverkin eru ýmisleg þegar að þeim málum kemur.

Tölvunefnd LH heldur nú á vordögum námskeiðaröð í mótaforritunum Kappa og Sportfeng og hér fyrir neðan má sjá dags- og tímasetningar sem hafa verið fastsettar.

Þeir sem hafa áhuga á mótahaldi og vilja ná sér í þekkingu í notkun þessara forrita eru hvattir til að skrá sig á námskeiðið, mega líka hafa samband á smari@smari.is eða í síma 8666507 til að fá frekari upplýsingar og/eða skrá svo hægt sé að tilkynna þáttöku frá Smára með einni fjöldatölu.

Þessi þekking er nauðsynleg í hverju félagi og gott er að mennta og þjálfa sem flesta í notkun þessara forrita, sem eru bráðskemmtileg og einföld í notkun 

Ekkert gjald er tekið fyrir þátttöku, nóg að mæta með skriffæri þar sem Handbók Kappa og Sportfengs verður dreift á staðnum.

Athugið þó að fyrir þá sem vilja undirbúa sig, þá er handbókin aðgengileg á vef Sportfengs: http://www.sportfengur.com/SportFengur/temp/Handbok.pdf

Borgarnes 2.maí – kl. 19:30
Selfoss 3.maí – kl. 19:30
Sauðárkrókur 3.maí – kl. 19:30
Reykjavík 8.maí – kl. 19:30
Egilsstaðir 9.maí – óákv.

Skráning á námskeiðin fer fram á hilda@landsmot.is

Firmakeppni Smára verður haldin á Flúðum 1 maí að venju og hefst stundvíslega kl. 14.00

Keppt verður í eftirfarandi flokkum :

Pollaflokkur(9 ára og yngri)

Barnaflokkur ( 10-13 ára)

Unglingaflokkur ( 14-17 ára)

Ungmennaflokkur ( 18-21 árs)

Kvennaflokkur

Karlaflokkur

Heldri manna og kvennaflokkur

150 m skeið

Skráning verður á staðnum og lýkur henni kl. 13.50

Hvetjum alla til að mæta og gera sér glaðan dag á einum stærsta viðburði félagsins, hvort sem er ríðandi, gangandi  eða akandi.

Vonumst til að sjá sem flesta

Stjórnin

Reiðmaðurinn er heiti á námskeiðsröð sem ætluð er fróðleiksfúsu hestafólki. Námið er tilvalið fyrir þá sem vilja

auka færni sína í reiðmennsku og þekkingu á hrossarækt og almennu hestahaldi.

• Reiðmaðurinn er röð námskeiða sem kennd eru á tveimur árum og hægt að taka samhliða vinnu eða námi.

• Námið byggir á fjórum verklegum helgum á önn auk bóklegs náms í gegnum fjarnámi og einni bóklegri helgi á    önn á Hvanneyri.

• Megináhersla er lögð á reiðmennsku. Einnig er fjallað um almenn atriði sem snúa að hrossarækt og almennu hestahaldi, s.s. fóðrun, frjósemi og kynbætur.

• Námið er metið til 33 ECVET-eininga á framhaldsskólastigi og lýkur námskeiðsröðinni með sérstakri viðurkenningu frá Landbúnaðarháskóla Íslands.

• Umsækjendur þurfa að hafa náð 16 ára aldri.

• Endurmenntun Landbúnaðarháskóla Íslands sér um framkvæmd námsins. Auk LbhÍ koma Landssamband hestamannafélaga og Félag hrossabænda að náminu.

Nánari upplýsingar á endurmenntun@lbhi.is

Kynntu þér Reiðmanninn á vef Landbúnaðarháskóla Íslands!

www.lbhi.is/namskeid

Umsóknafrestur er til 1. júní 2012

- áætlað er að fara af stað með hópa á Miðfossum, Akureyri, Flúðum og hugsanlega einum til á Suðurlandi

Í dag fór fram lokamót í uppsveitadeild Æskunnar í reiðhöllinni á Flúðum. Glæsilegur hópur barna og unglinga kepptu í fjórgangi, fimmgangi og fljúgandi skeiði. Í barnaflokki var það Aníta Víðisdóttir á honum Skoppa frá Bjargi sem sigraði B-úrslitin og gerði sér lítið fyrir og reið sig upp í þriðja sæti í A-úrslitum. Það var svo Sigríður Magnea Kjartansdóttir frá hestamannafélaginu Loga sem stóð uppi sem sigurvegari í fjórgangi barna á hryssunni Þerney frá Feti.

Í unglingaflokki var keppt í fimmgang og var það Finnur Jóhannesson sem sigraði B-úrslitin, þar voru þeir félagar Finnur og Svipall frá Torfastöðum ekki hættir og stóðu þeir uppi sem hástökkvarar dagsins og sigurvegar í fimmgangi unglinga. Fast á hæla hans komu svo systurnar Dóróthea og Karitas Ármann á Hruna frá Friðheimum og Agli frá Efsta-Dal II. 

Stigakeppnin var einnig mjög spennandi. Í barnaflokki skildi einungis eitt stig að knapana í fyrsta, öðru og þriðja sæti en eftir greinar dagsins var það Eva María Larsen sem stóð uppi sem samanlagður sigurvegari í barnaflokki, í öðru sæti var Natan Freyr Morthens og í því þriðja Sigríður Magnea Kjartansdóttir.

Þrjú efstu í stigakeppni barna: Eva María, Natan Freyr og Sigríður Magnea

Í unglingaflokki var ekki alveg eins mjótt á munum en þar stóð efstur Finnur Jóhannesson, þremur stigum þar á eftir Dóróthea Ármann og aðeins tveim stigum þar á eftir systir hennar Karitas Ármann.

Að lokum var veittur bikar stigahæsta félaginu í báðum flokkum eftir þessa 3 mótadaga og 6 keppnisgreinar. Það var hestamannafélagið Logi sem vann þá keppni glæsilega og verðskuldað með 318 stig, í öðru sæti var hestamannafélagið Smári me 152,5 stig og í því þriðja hestamannafélagið Trausti með 14,5 stig.

Allur hópurinn saman í verðlaunaafhendingu

Glæsilegar krakkar þarna á ferð, frábær mótaröð að baki. Allir stóðu sig frábærlega og ljóst er að þessi Uppsveitadeild Æskunnar verður árlegur viðburður héðan í frá. Æskulýðsnefndir félaganna, Smára, Loga og Trausta standa að deildinni og ber að þakka öllum sjálfboðaliðum og þeim sem að framkvæmd mótanna kærlega fyrir, án þeirra væri þetta ekki hægt !

Meðfylgjandi eru helstu úrslit, ásamt stigasöfnun í einstaklings og liðakeppninni

Uppsveitadeild Æskunnar 28.April 2012

Fimmgangur, skeið og fjórgangur

Keppni hefst kl. 10.30 en knapar sem taka þátt eru beðnir um að mæta timalega( að minsta kosti 15. min fyrr) þar sem smá knapafundur verður áður en keppni hefst.

I hádegishléinu verður svo kveikt á grillinu og grillaðar pylsur, sem  keppendum verður boðið upp á,  en áhorfendur þurfa að greiða eitthvað smávegis fyrir 

Vonum að sem flestir sjái sér fært að mæta til að hvetja sina “menn”

Æskulýðsnefnd Smára

Skráning í Uppsveitadeild æskunnar 28.apríl – fimmgangur/fjórgangur/skeið

Skráningu í fimmgang og skeið í unglingaflokki og fjórgang í barnaflokki í

uppsveitadeild æskunnar verður að vera lokið í síðasta lagi fimmtudaginn 26.apríl  kl.20:00 eftir þann tíma er ekki hægt að taka við skráningum.

Skráningu skal skila á smarakrakkar@gmail.com og þarf að fylgja nafn og kennitala knapa,            IS númer hests, nafn og litur.

Keppnin fer fram laugardaginn 28. apríl. Nánari tímasetningar og dagskrá mótsins verður á heimasíðu félagsins, smari.is þegar nær dregur.  

Keppnisreglur fyrir fjórgang og fimmgang má finna á slóðinni: lhhestar.is / um LH / Lög og reglur.

Æfing - Uppsveitadeild æskunnar 

Við minnum á æfingatíma fyrir Uppsveitadeild æskunnar í Reiðhöllinni fimmtudaginn, 26. apríl    kl. 17:00-18:30 fyrir keppendur í barnaflokki og kl. 18:30 – 20:00 fyrir keppendur í unglingaflokki. Sólon Mortens reiðkennari verður á staðnum til að leiðbeina þeim sem vilja varðandi keppnina.

Mikilvægt er að vera vel undirbúin og fara vel yfir reglurnar sem má finna hér: http://lhhestar.is/is/page/lh_log_og_reglur en á bls. 75- 76 er fjallað um fjórgang og fimmgang.

•  Aukaæfing er fyrir þá sem stefna á keppni í skeiðgreinum sunnudaginn 22.apríl kl.16:30 í Reiðhöllinni.

• Miðvikudaginn 25 apríl frá 16-20 er Logi með æfingu 

Föstudagskvöldið 20 apríl fór fram keppni í fimmgangi í Uppsveitadeildinni á Flúðum.  Eftir forkeppni var efstur Guðmann Unnsteinsson á Prins frá Langholtskoti, fast á hæla hans komu svo Ása Ljungberg og Nói frá Garðsá, Sólon Morthens og Svali frá Tjörn og María Birna Þórarinsdóttir og Spes frá Fellskoti.

Hörð barátta var í b-úrslitum um sæti í a-úrslitum og munaði einungis 0,02 á efstu tveimur hestunum. Það voru þeir Bjarni Bjarnason á Eldingu frá Laugarvatni og Knútur Ármann á Hruna frá Friðheimum sem voru jafnir fram á síðasta skeiðsprett og niðurstaðan var að lokum sú að Knútur og Hruni sigruðu b-úrslitin og hrepptu sæti í a-úrslitunum.

B-úrslit: 1. Knútur og Hruni 2. Bjarni og Elding 3. Einar Logi og Brúður 4. Hermann Þór og Kviða 5. Gunnar og Vífill         Mynd: Siggi Sigmunds.

Guðmann Unnsteinsson hélt sínu sæti í úrslitum og sigraði fimmganginn á Prins frá Langholtskoti. Annar varð Sólon Morthens á Svala frá Tjörn og þriðja var Ása Ljungberg á Nóa frá Garðsá.

A-úrslit 1. Guðmann og Prins 2. Sólon og Svali 3. Ása og Nói 4. Knútur og Hruni 5. María og Spes    Mynd: Siggi Sigmunds.

Staðan í stigakeppninni breyttist lítillega eftir þessa grein, en allt getur gerst þegar tvær greinar eru eftir, tölt og skeið og er það jafnframt lokamótið í þessari mótaröð sem haldið verður föstudagskvöldið 11. Maí.

Einstaklingskeppnina leiðir Sólon Morthens, stigi þar á eftir kemur svo Ása Ljungberg  og því næst Guðmann Unnsteinsson.

Liðakeppnina leiðir LIÐIÐ HANS HJALLA en fast á hæla þeirra kemur lið ÁSTUNDAR.

Meðfylgjandi eru helstu úrslit

Uppsveitadeild Fimmgangur föstudagskvöldið 20 apríl kl. 20.00

Ráslisti :

birt með fyrirvara um breytingar

Hvetjum við alla áhugasama til að láta þetta ekki framhjá sér fara og mæta, styðja sín lið og knapa og eiga skemmtilegt kvöld í Reiðhöllinni á Flúðum.

Ráslistar birtast þegar nær dregur - fylgist vel með á www.smari.is

Nokkrar myndir frá þriðja vetrarmóti má finna í myndaalbúmi hér til hliðar eða með því að smella á slóðina http://smari.is/album/default.aspx?aid=225628

Myndirnar má einnig finna á facebook síðu félagsins. Hvetjum alla til að verða "vinir"

 Fréttatilkynning frá Hrossaræktarfélagi Hrunamanna:

 Hið hundrað ára gamla Hrossaræktarfélag Hrunamanna efnir til Ræktunarsýningar í Reiðhöllinni á Flúðum Sunnudaginn 15. apríl kl. 13

 Boðið verður upp á :

° Ræktunarbússýnigar
° Afkvæmasýningar
° Ungfolasýningar og fleira
° Formleg opnun á nýrri heimasíðu félagsins

 Allir hjartanlega velkomnir að sjá hvað félagsmenn hafa verið að rækta undanfarið

  Aðgangseyrir er krónur 1000 frítt fyrir 16 ára og yngri (ekki verður posi ástaðnum)

Þriðja vetrarmót  Smára verður haldið laugardaginn 14. apríl kl. 14:00

Keppt verður í eftirfarandi flokkum:  

Pollaflokkur

Barnaflokkur

Unghrossaflokkur

 Unglingaflokkur

Ungmennaflokkur

Fullorðinsflokkur 2. Flokkur

Fullorðinsflokkur 1. Flokkur

Skráning er á staðnum.   Skráning hefst kl. 12:45 og lýkur kl. 13:45.

Skráningargjald er 500 kr.  á hest, frítt er fyrir polla  og barnaflokk.

Pollarnir verða inn í reiðhöllinni en aðrir flokkar á vellinum.   

Nánari upplýsingar á smari.is.

 Með von um góða þáttöku.

Mótanefnd.

Miðvikudagskvöldið 4 apríl fór fram keppni í fjórgangi í Uppsveitadeildinni á Flúðum. 21 knapi mætti til leiks, hestakostur var góður og hörð keppni var um sæti í úrslitum. Efst eftir forkeppni var Ása Ljungberg og Hugleikur frá Galtanesi, fast á hæla hennar voru þó Guðmann Unnsteinsson og Prins frá Langholtskoti, Sólon Morthens og Svali frá Tjörn og Sigurbjörg Bára Björnsdóttir og Blossi frá Vorsabæ II. 6 knapar riðu B-úrslit sem voru mjög jöfn og spennandi.  Sigurvegari B úrslita var að lokum  Hermann Þór Karlsson á Jódísi frá Efri-Brúnavöllum.  Í  A úrslitum var ekki minni spenna en ekki varð breyting á röðun efstu hesta frá forkeppni, glæsilegur sigurvegari í fjórgangi Ása Ljungberg og Hugleikur frá Galtanesi.  

Stigahæstu knapar eftir fyrstu 2 greinarnar eru Ása Ljungberg og Sólon Morthens, jöfn með 17 stig. Spennan jókst einnig í liðakeppninni, LIÐIÐ HANS HJALLA leiðir með 30 stig, ÁSTUND ekki langt undan með 29 stig og þriðja stigahæsta liðið er JÁVERK með 20,5 stig.

Það eru þó fullt af stigum eftir í pottinum og allt getur gerst og spennandi verður að fylgjast með næstu grein sem er fimmgangur sem verður föstudagskvöldið 20 apríl.

Meðfylgjandi eru helstu úrslit og staðan í stigakeppninni

STAÐAN Í EINSTAKLINGSKEPPNINNI

STAÐAN Í LIÐAKEPPNINNI

Hermann Þór Karlsson og Jódís frá Efri Brúnavöllum. Ljósmynd Sigurður Sigmundsson

Sólon Morthens og Svali frá Tjörn Ljósmynd Sigurður Sigmundsson

Keppt verður í fjórgangi í Uppsveitadeildinni á Flúðum á miðvikudagskvöld kl. 20.00

Hér meðfylgjandi er ráslisti, birtur með fyrirvara um breytingar

Fylgist því vel með hér á smari.is