Færslur: 2019 Nóvember

29.11.2019 12:13

Kæru félagar

Nú er veturinn komin til okkar eftir gott sumar og haust, þá förum við að undirbúa komandi vetur í starfi félagsins. Stjórn og nefndir hafa fundað og erum við komin með nokkuð góða dagskrá fyrir veturinn. Uppsveitadeildin mun vera á sínum stað, vetrarmótin, bingó, námskeið bæði fyrir börn og unglinga, námskeið fyrir fullorðna, undirbúnigur fyrir úrtöku LM, Páskatölt, Firmakeppni, fyrirlestrar og sýnikennslu. Ef það er eitthvað sem ykkur finnst vanta eða hafið góða hugmynd af  endilega hafið samband við stjórnina. Við munum auglýsa viðburðina á facebook félagsins og heimasíðu, eignig er hægt að sjá á heimasíðu reiðhallarinnar reidhollin.is og fara í dagatal til að sjá viðburði hallarinnar. Við minnum á að smárakrakkar eru líka á facebook undir smárakrakkar hestamannafélagið Smári.

Við héldum glæsilegt opið Landstólpagæðingamót með Trausta í sumar, þar var Landstólpi styrktaraðili mótsins. En þetta er þriðja árið í röð sem við höldum þetta mót í þessu formi, Landstólpi hefur verið styrktaraðili mótsins öll þessi þrjú ár. Við þökkum þeim fyrir stuðningin og þeirra framlag til hestamennsku í uppsveitunum. Mótið hefur fengið mjög góðar viðtökur og þáttakan virkilega góð, við getum verið stolt af þessi glæsilega móti okkar. En svona stórt mót er ekki hægt að halda nema með mikilli vinnu og sjálboðastarfi, við þökkum öllum þeim sem hjálpuðu okkur að halda mótið kærlega fyrir.

Reiðvegirnir fjölga jafnt og þétt hjá okkur í félaginu, þetta er langhlaup með svona stórt svæði og kostnaður mikill á hvern kílómetrann.  Því er það dýrmætt þegar bændur og aðrir sjálboðaliðar taka sig saman og hefja reiðvegagerð með félaginu. Þannig er hægt að lækka kostnað heilmikið með þessari sjálboðavinnu og þökkum við öllum þeim sem tóku þátt í þessu verkefni með okkur og vonandi sjá fleirri bændur og hestamenn sig í þessu verkefni með okkur á komandi árum.

Reiðvegarskilti hafa verið sett á flesta nýja reiðvegi, hér í Hrunamannahreppi hefur Heimir Gunnarsson verið forsprakkin í því ásamt öðrum sjálboðaliðum. Við þökkum þeim fyrir þeirra vinnu og Hrunamannahreppi fyrir skiltin.

Á síðasta aðalfundi Smára var samþykkt að hækka félagsgjöldin um 2000 kr , þau færi þá úr 6000 kr í 8000 kr ársgjaldið. Fara þessar 2000 kr beint til Reiðhallarinnar en í staðin fá félagsmenn aðgang að reiðhöllinni. Reiðhöllin er eign okkar sem við verðum að passa vel uppá og er hún dýrmædd fyrir félgið. En hún hefur verið lyftistöng fyrir allt starf síðan hún var reyst og er hún að nýtast vel til allskonar starfa og viðburða. Það verður þannig að þegar félagi hefur greitt sitt félagsgjald sendir hann póst til reiðhallarinar og fær aðgang að reiðhöllinni. Ferlið gæti tekið nokkra daga, félagsgjöldin verða send út í desember. Viljum við líka kvetja hestamenn að vera í félaginu eða ganga í það, því fleirri sem við erum því öflugri erum við. Miða við mörg önnur félög er okkar ársgjald mjög sanngjarnt.

Formannafundur var haldin í Reykjavík 1.nóvember, sendi Smári tvo fulltrúa á fundinn. Var mikill áheyrsla lögð á nýliðun í hestamennsku, mikilvægi þess að hestamenn væru í hestamannafélagi, reiðvegamál og að hestamannafélögin hjálpast að við uppbyggingu alls starfs í hestamennsku í landinu og þá framtíðarsýn sem við viljum hafa saman. Það er nauðsinlegt að við skiptumst ámeð hugmyndir og úrvinslur, erum ekki öll í okkar horni að reyna að finnu upp hjólið. Eiríkur Vilhelm Sigurðsson hélt kynningu á Landsmóti hestamanna sem verður haldið á Hellu 2020, undirbúningur gengur vel og hvetjum við okkar félagsmenn að mæta á Landsmót 2020. Upplýsingar um LM er að finna á landsmot.is . Einnig er gaman að fylgjast með á vef Landssambandi Hestamannafélaga ihhestar.is  þar er að finna margar góðar upplýsingar.  LH er að vinna mikið og gott starf fyrir okkur hestamenn í landinu og margt spennandi framundan.

Við hlökkum til að starfa með ykkur í vetur og við vonum að þið verðið dugleg að mæta á viðburði félagsins í vetur.

Kær kveðja

Hulda Hrönn Stefánsdóttir formaður

Rósa Birna Þorvaldsdóttir varaformaður

Elín Moqvist gjalkeri

Ragnheiður Hallgrímsdóttir ritari

Jón Willam Bjarkarson meðstjórnandi

15.11.2019 15:29

Forsala á LM 2020

Kæru félagsmenn! 

 

Nú geta félagsmenn keypt vikupassa á Landsmót Hestamanna sem haldið verður á Hellu 6. - 12. júlí 2020 og styrkt um leið félagið okkar.  Með því að kaupa í forsölu í gegnum linkinn hér að neðan  renna 1.000 kr til hestamannafélagsins. Miðaverð í forsölu er aðeins 16.900 kr. 

 

https://tix.is/is/specialoffer/tickets/6367/

 

Tökum höndum saman - styðjum félagið og tryggjum okkur um leið miða á Landsmót hestamanna 2020 á besta mögulega verði. 

 

 

 

11.11.2019 20:09

Hæfileikamótun LH

Hvetjum okkar ungu og efnilegu knapa að kynna sér þetta.

Einstakt tækifæri fyrir unglinga - Hæfileikamótun LH

Með nýju fyrirkomulagi í afreksmálum LH hefur verið ákveðið að setja af stað verkefni fyrir
unga og metnaðarfulla knapa, það kallast Hæfileikamótun LH og fer af stað veturinn 2020.
Hæfileikamótun LH samanstendur af 6 hópum sem staðsettir eru í hverjum landshluta fyrir sig.
Fjöldi knapa í hóp er 8. Gjaldgengir í hópinn eru unglingar á aldrinum 14-17 ára (unglingaflokkur). Einstakt tækifæri fyrir unga metnaðarafulla knapa að undirbúa sig með
markvissri kennslu til að takast á við verkefni bæði hérlendis og á erlendum vettvangi.

Staðsetning hópa:
• Höfuðborgarsvæði (8 manna hópur)
• Höfuðborgarsvæði (8 manna hópur)
• Suðurland (8 manna hópur)
• Norðurland (8 manna hópur)
• Vesturland (8 manna hópur)
• Austurland (8 manna hópur)

Viðburðir og fyrirkomulag:
• Janúar – helgarnámskeið (laugard/sunnud-einstaklingskennsla með hesti)
• Mars – helgarnámskeið (laugard/sunnud-einstaklingskennsla með hesti)
• April/mai – helgarnámskeið (laugard/sunnud-einstaklingskennsla með hesti)
• Sept – sýnikennsla (án hests)
• Fyrirlestur með fagteymi ÍSÍ (án hests)

Kostnaður knapa er 100.000kr fyrir árið.
Knapar sem eru gjaldgengir í hópinn senda umsókn til LH.
Í umsókn skulu koma fram eftirfarandi upplýsingar
• Nafn, aldur og félag
• Lýsing á keppnisárangri undanfarin 2 ár
• Námskeið sem knapi hefur tekið
• Video (max 5-6 min) þar sem knapi sýnir gangtegundir:
Fet - Brokk - Hægt stökk, hraðinn aukinn í hratt stökk og síðan hægt niður á fet - Hægt tölt, hraðinn aukinn yfir í hratt tölt og síðan hægt niður á fet - Frjálst er að sýna fimiæfingar

Verkefnastjóri er Vilfríður F. Sæþórsdóttir. Allar umsóknir berist á netfangið vilfridur@lhhestar.is. Hægt er að nálgast allar upplýsingar í gegnum sama netfang.
Umsóknarfrestur er til miðnættis þriðjudaginn 26.nóvember 2019. Hópar verða tilkynntir um miðjan desember.

09.11.2019 20:12

Fyrirlestur

 

 


 

HESTANUDD OG HEILSA 

FYRIRLESTUR

 

Fyrirlestur verður haldin í reiðhöllinni á Flúðum mánudagskvöldið 18. nóvember klukkan hálf átta.

Auður G. Sigurðardóttir hestanuddari heldur fyrirlesturinn.

Farið verður í hvað felst í reglulegri ástandsskoðun á hestinum og hvernig við sem

hestaeigandur/þjálfarar getum tileinkað okkur kunnáttu til að uppgötva og bregðast við áður en

vandamálin verða stærri og illviðráðanlegri. Farið verður einnig í hver eru helstu vandamálin

sem upp koma og hvernig hægt er að bregðast við þeim.

EFNI FYRIRLESTRAR ER M.A. :

  • Kostir þess að gera ástandsskoðun á hestunum okkar og hvernig við framkvæmum hana
  • Hver eru helstu vandamálin sem ég rekst á, einkennin og hvað hægt er að gera til að fyrirbyggja
  • Hvað það er sem við viljum forðast
  • Nokkrar góðar æfingar 

Fyrirlesturinn er bæði bóklegur og svo verður stutt sýnikennsla.

Verð er 1500 kr fyrir Smárafélaga og 2500 kr fyrir aðra ,frítt fyrir 14 ára og yngri. Kaffi og veglegar veitingar verða í boði fyrir gesti. Engin posi á staðnum.

Vonum að sjá sem flesta Smárafélaga og aðra hestamenn, allir velkomnir.

Kveðja stjórn Smára

 

07.11.2019 22:16

Kynningarfundur æskulýðsstarfs Smára og Loga

Minnum á kyningarfundinum á morgun.

Kynningarfundur æskulýðsstarfs hestamannafélaganna Loga og Smára

Bjóðum alla velkomna sem áhuga hafa í reiðhöllina á Flúðum 8.nóvember 2019 kl 19.00 til að fá smá kynningu á því sem við höfum verið að fást við og það sem er verið að hugsa um að gera á næstu mánuðum.
Eftir að við höfum talað saman og gefið tækifæri á að spyrja og hafa áhrif á starfið ætlar Klara Sveinbjörnsdóttir reiðkennari að vera með smá atriði. Við bjóðum upp á drykki og eitthvað sætt og salt á meðan.
Eigum góða kvöldstund saman í fínu höllinni okkar

Æskulýðsnefnd Loga og Smára

  • 1
Flettingar í dag: 103
Gestir í dag: 30
Flettingar í gær: 137
Gestir í gær: 55
Samtals flettingar: 2084584
Samtals gestir: 302786
Tölur uppfærðar: 5.4.2020 12:32:05