15.11.2019 15:29

Forsala á LM 2020

Kæru félagsmenn! 

 

Nú geta félagsmenn keypt vikupassa á Landsmót Hestamanna sem haldið verður á Hellu 6. - 12. júlí 2020 og styrkt um leið félagið okkar.  Með því að kaupa í forsölu í gegnum linkinn hér að neðan  renna 1.000 kr til hestamannafélagsins. Miðaverð í forsölu er aðeins 16.900 kr. 

 

https://tix.is/is/specialoffer/tickets/6367/

 

Tökum höndum saman - styðjum félagið og tryggjum okkur um leið miða á Landsmót hestamanna 2020 á besta mögulega verði. 

 

 

 

11.11.2019 20:09

Hæfileikamótun LH

Hvetjum okkar ungu og efnilegu knapa að kynna sér þetta.

Einstakt tækifæri fyrir unglinga - Hæfileikamótun LH

Með nýju fyrirkomulagi í afreksmálum LH hefur verið ákveðið að setja af stað verkefni fyrir
unga og metnaðarfulla knapa, það kallast Hæfileikamótun LH og fer af stað veturinn 2020.
Hæfileikamótun LH samanstendur af 6 hópum sem staðsettir eru í hverjum landshluta fyrir sig.
Fjöldi knapa í hóp er 8. Gjaldgengir í hópinn eru unglingar á aldrinum 14-17 ára (unglingaflokkur). Einstakt tækifæri fyrir unga metnaðarafulla knapa að undirbúa sig með
markvissri kennslu til að takast á við verkefni bæði hérlendis og á erlendum vettvangi.

Staðsetning hópa:
• Höfuðborgarsvæði (8 manna hópur)
• Höfuðborgarsvæði (8 manna hópur)
• Suðurland (8 manna hópur)
• Norðurland (8 manna hópur)
• Vesturland (8 manna hópur)
• Austurland (8 manna hópur)

Viðburðir og fyrirkomulag:
• Janúar – helgarnámskeið (laugard/sunnud-einstaklingskennsla með hesti)
• Mars – helgarnámskeið (laugard/sunnud-einstaklingskennsla með hesti)
• April/mai – helgarnámskeið (laugard/sunnud-einstaklingskennsla með hesti)
• Sept – sýnikennsla (án hests)
• Fyrirlestur með fagteymi ÍSÍ (án hests)

Kostnaður knapa er 100.000kr fyrir árið.
Knapar sem eru gjaldgengir í hópinn senda umsókn til LH.
Í umsókn skulu koma fram eftirfarandi upplýsingar
• Nafn, aldur og félag
• Lýsing á keppnisárangri undanfarin 2 ár
• Námskeið sem knapi hefur tekið
• Video (max 5-6 min) þar sem knapi sýnir gangtegundir:
Fet - Brokk - Hægt stökk, hraðinn aukinn í hratt stökk og síðan hægt niður á fet - Hægt tölt, hraðinn aukinn yfir í hratt tölt og síðan hægt niður á fet - Frjálst er að sýna fimiæfingar

Verkefnastjóri er Vilfríður F. Sæþórsdóttir. Allar umsóknir berist á netfangið vilfridur@lhhestar.is. Hægt er að nálgast allar upplýsingar í gegnum sama netfang.
Umsóknarfrestur er til miðnættis þriðjudaginn 26.nóvember 2019. Hópar verða tilkynntir um miðjan desember.

09.11.2019 20:12

Fyrirlestur

 

 


 

HESTANUDD OG HEILSA 

FYRIRLESTUR

 

Fyrirlestur verður haldin í reiðhöllinni á Flúðum mánudagskvöldið 18. nóvember klukkan hálf átta.

Auður G. Sigurðardóttir hestanuddari heldur fyrirlesturinn.

Farið verður í hvað felst í reglulegri ástandsskoðun á hestinum og hvernig við sem

hestaeigandur/þjálfarar getum tileinkað okkur kunnáttu til að uppgötva og bregðast við áður en

vandamálin verða stærri og illviðráðanlegri. Farið verður einnig í hver eru helstu vandamálin

sem upp koma og hvernig hægt er að bregðast við þeim.

EFNI FYRIRLESTRAR ER M.A. :

  • Kostir þess að gera ástandsskoðun á hestunum okkar og hvernig við framkvæmum hana
  • Hver eru helstu vandamálin sem ég rekst á, einkennin og hvað hægt er að gera til að fyrirbyggja
  • Hvað það er sem við viljum forðast
  • Nokkrar góðar æfingar 

Fyrirlesturinn er bæði bóklegur og svo verður stutt sýnikennsla.

Verð er 1500 kr fyrir Smárafélaga og 2500 kr fyrir aðra ,frítt fyrir 14 ára og yngri. Kaffi og veglegar veitingar verða í boði fyrir gesti. Engin posi á staðnum.

Vonum að sjá sem flesta Smárafélaga og aðra hestamenn, allir velkomnir.

Kveðja stjórn Smára

 

07.11.2019 22:16

Kynningarfundur æskulýðsstarfs Smára og Loga

Minnum á kyningarfundinum á morgun.

Kynningarfundur æskulýðsstarfs hestamannafélaganna Loga og Smára

Bjóðum alla velkomna sem áhuga hafa í reiðhöllina á Flúðum 8.nóvember 2019 kl 19.00 til að fá smá kynningu á því sem við höfum verið að fást við og það sem er verið að hugsa um að gera á næstu mánuðum.
Eftir að við höfum talað saman og gefið tækifæri á að spyrja og hafa áhrif á starfið ætlar Klara Sveinbjörnsdóttir reiðkennari að vera með smá atriði. Við bjóðum upp á drykki og eitthvað sætt og salt á meðan.
Eigum góða kvöldstund saman í fínu höllinni okkar

Æskulýðsnefnd Loga og Smára

03.05.2019 22:40

Flottir pollar á Firmakeppni Smára

Ungir og efnilegir pollar á Firmakeppni Smára :)

 

03.05.2019 16:41

Firmakeppni Smára úrslit

Firmakeppni Smára 2019

Firmakeppni Smára var haldin 1.maí. Þáttaka var mjög góð eða um 60 skráningar, enda veðrið gott og fjölmenntu félagar til þess að taka þátt eða horfa á.  Stjórn Smára vill þakka öllum þeim sem keyptu firma í ár fyrir þeirra stuðninginn. Dómurunum þeim Birgittu Bjarnadóttir og Þorgeiri Ólafssyni. Þulinu  Sigurði í Skollagróf, hollvinum og öllum þeim sem lögðu hönd á plóg til þess að hjálpa okkur á þessa Firmakeppni. Gaman var að sjá góða þáttöku í öllum flokkum og  var hestakosturinn mjög góður.  Í lok móts bauð hestamannafélagið upp á grillaðar pylsur og fóru allir saddir og sáttir heim í vorblíðuna. Stjórn Smára þakkar fyrir góðan dag og hlökkum til þess að sjá ykkur öll að ári ??

Úrslit Firmakeppni Smára 2019

Pollaflokkur

Ragna Magrét Larsen,  Bylur  23 v.

Guðmundur Jóhann Aðalsteinsson, Prinsessa 15 v.

Syndri Þór Stefánsson , Elísa 6v.

Filip Ingvi Stefánsson, Krummi 15 v.

Páll Axel Axelsson, Varða 10 v.

Svava Marý Þorsteinsdóttir, Spuni 17 v.

Hildur Kristín Gísladóttir, Hekla 15 v.

Barnaflokkur

1.sæti Aron Mímir Einarsson Tígulstjarna frá Bakka – Miðfellshestar, Adda og Einar Logi

2.sæti Fríða Rún Eiríksdóttir Selja frá Vorsabæ – Fögrusteinar

3.sæti Darri Steinn Einarsson Muggur frá Kaldbak – Hænsnahöllin Húsatóftum

4.sæti Svana Hlín Eiríksdóttir Gjóska frá Vorsabæ – Ólafsvellir ehf

Unglingaflokkur

1.sæti Aron Ernir Ragnarsson Váli frá Efra-Langholti -Verslunin Árborg

2.sæti Þorvaldur Logi Einarsson Stjarni frá Dalbæ – Hrossaræktunarbú Hlemmsikeiði 3

3.sæti Þórey Þula Helgadóttir Gjálp frá Hvammi – Selásbyggingar ehf

4.sæti Melkorka Gunnarsdóttir Náma frá Gvenstang – Nagdýraræktun Svönu og Fríðu

Ungmennaflokkur

1.sæti Thelma Dögg Tómasdóttir Elísa frá Húsavík – Björgvin Ólafsson frá Bala

2.sæti Anne Sofie – Hnjúkur frá Vorsabæ 2 – Þrándarholt sf

3.sæti Sophie Dölchner Rás frá Ármóti – Skeiðháholt 3 ehf

4.sæti Rebekka Simonsen Elding frá Tjarnarkoti – Gröfutækni

 

Kvennaflokkur

1.sæti Rósa Birna Þorvaldsdóttir Hrönn frá Hlemmiskeiði – Túnsbergsbúið

2.sæti Kristín Magnúsdóttir Sirkus frá Garðshorni – Hrossaræktunarbúið Kálfhóli 2

3.sæti Berglin Ágústdóttir Ísar frá Efra-Langholti – Ingvar og Svala Fjalli

4.sæti Erna Óðinsdóttir Sólon frá Völlum – Boletta Hæli

5.sæti Elísabet Thorsteinsson Hrönn frá Hörgslandi – Rekhóll ehf

Karlaflokkur

1.sæti Helgi Kjartansson Kraki frá Hvammi – Hlemmiskeið 2 ehf

2.sæti Tómas Örn Jónsson Dúett frá Torfunesi – Land og Hestar

3.sæti Jón Bjarnason Aría frá Skipholti 3 – Ferðaþjónustan Steinsholti

4.sæti Einar Logi Sigurgeirsson Saga frá Miðfelli – Secret local adventures

5.sæti Bjarni Birgisson Uriði frá Blesastöðum 2a – Ásólfsstaðir hollyday home

Heldri manna og kvenna flokkur ( 50+)

1.sæti Elsa Ingjaldsdóttir Þrymur frá Langholti – Stefán Jónsson Hrepphólum

2.sæti Ása María Ásgeirsdóttir Blæja frá Kaldbak – Fannborg,hálendismiðstöð Kerlingarfjöll

3.sæti Guðbjörg Jóhannsdóttir Teigur frá Ásatúni – Fossi ehf

4.sæti Grímur Guðmundsson Dáð frá Ásatúni – Kópvatnsbúið

5.sæti Unnur Lísa Schram Fornadís frá Fornustöðum – Urðarholt hrossarækt

Skeið

1.sæti Jón William Bjarkarson Vaka frá Ásbrún – Tómas Þórir Jónsson

2.sæti Bjarni Birgisson Stormur frá Reykholti – Halla og Bikki Hæli

3.sæti Aron Ernir Ragnarsson Bið frá Nýja-Bæ – Sauðakofinn Fossnesi

4.sæti Elísabet Thorsteinsson Hrönn frá Hörgslandi – Kjöt frá Koti

 

30.04.2019 22:46

Firmakeppni Smára

Við minnum á Firmakeppni Smára á morgun 1.maí. Keppnin hefst klukkan eitt í Torfdal Flúðum.  Grillaðar pylsur í boði hestamannafélagsins.

Kveðja stjórn Smára :) 

25.04.2019 21:11

Firmakeppni Smára

Firmakeppni Smára 2019

Firmakeppni hestamannafélagsins Smára verður haldin í Torfdal Flúðum 1.maí að venju. Hefst hún stundvíslega kl.13.00.

Keppt verður í eftirfarandi flokkum:
Pollaflokkur ( 9 ára og yngri ) Þeir munu ríða inn í reiðhöll.
Barnaflokkur ( 11-13 ára )
Unglingaflokkur ( 14 - 17 ára )
Ungmennaflokkur ( 18 - 21 árs )
Kvennaflokkur
Karlaflokkur
Heldri manna og kvennaflokkur ( +50)
Fljúgandi skeið
Skráning verður á staðnum frá kl. 12.00 og lýkur henni kl. 12.50

Hvetjum alla til að mæta og gera sér glaðan dag á einum stærsta viðburði félagsins, hvort sem er ríðandi, gangandi eða akandi. Minnum á gerðið fyrir þá sem koma ríðandi. 
Stjórn Smára áskilur sér rétt til að fella niður eða breyta flokkum eftir að skráningu lýkur.
Minnum á reglur Firmakeppni Smára, þær eru að finna inn á smari.is

Hlökkum til að sjá sem flesta

Stjórn Smára

03.04.2019 21:07

Þriðja og síðasta vetrarmót Smára

Þriðja og síðasta vetrarmót Smára verður haldið 6.apríl næstkomandi. Þar sem þetta er sama dagsetning og Stóðhestaveislan í Sprettshöllinni ætlum við að hafa skráningu klukkan 11 og hefja mótið klukkan 12 líkt og síðast.
Mótið er með hefðbundnu sniði nema að núna er ungrhossaflokkurinn okkar góði líka !. Hross 4, 5 og 6 vetra eru leyfð í þann flokk og þarf hrossið að vera skráð á félagsmann Smára til þess að fá að taka þátt.
Gestir eru velkomnir en þeir greiða 500 kr meira í skráningargjald.
Flokkar eru eftirfarandi:
Pollaflokkur = frítt (Þeir byrja hálf 12 ef mæting verður)
Barnaflokkur = 1500kr
Unglingaflokkur = 1500kr
Ungmennaflokkur = 1500kr
Áhugamannaflokkur = 2000kr
Opin flokkur = 2000kr
Ungrhossaflokkur = 1500kr
Hlökkum til að sjá sem flesta laugardaginn 6 apríl næstkomandi

24.03.2019 22:20

Kynningarfundur fyrir Landsmót 2020

Félgsmenn Smára athugið. Kynningarfundur fyrir Landsmót 2020 verður haldin næstkomandi þriðjudagskvöld 26.mars klukkan 20:00 í Rangárhöllinni. Þar verður kynnt staða verkefnisins og aðkoma félaganna að Landsmótinnu. Við hvetjum okkar félagsmenn að mæta á fundin og kynna sér þetta verkefni sem við Smárafélagar eigum aðild að. Þeir sem hafa hugsað sér að fara mega skrá sig á smari@smari.is :)

Kveðja Stjórn Smára

22.03.2019 19:38

Aðalfundur reiðhallarinnar

Aðalfundur Reiðhallarinnar verður haldin 25.mars næstkomandi. Breyting verður á stjórn reiðhallarinnar, hestamannafélagið Smári þarf tvo nýja fulltrúa til þess að sitja í stjórn fyrir hönd félagsins. Þeir sem hafa áhuga á að vera fulltrúar fyrir félagið geta haft samband við stjórn Smára eða á smari@smari.is . Einnig ef félagsmenn hafa eitthverjar spurningar varðandi Reiðhöllina sem við stjórn Smára getum borið fram á fundinum, endilega hafið samband við okkur.

Kveðja stjórn Smára :)

Hulda Hrönn Stefánsdóttir formaður
Rósa Birna Þorvaldsdóttir varaformaður
Elin Moqvist gjaldkeri
Ragnheiður Hallgrímsdóttir ritari 
Jón Williham Bjarkarson meðstjórnandi

06.03.2019 21:16

Ábending til þeirra sem nota Reiðhöllina

Eins og margir vinir Reiðhallarinnar hafa tekið eftir er komið nýtt gólfefni í reiðsalinn sem er til mikilla bóta fyrir þá sem sækja námskeið, æfa og keppa í Reiðhöllinni.

Á sama hátt og þegar maður setur nýtt gólfefni á íbúðina heima hjá sér, vill maður auðvitað að það endist sem lengst og verði til prýði. Til þess að það gangi eftir reynir maður að ganga aðeins betur um á nýju gólfefni en maður gerði gjarnan á því gamla.

Það hefur því miður borið á því að einhverjir notendur Reiðhallarinnar hafi ekki haft það að leiðarljósi að ganga vel um nýja gólfefnið í reiðsalnum. Misbrestur hefur verið á því að hreinsa upp skít eftir hrossin þegar námskeiðum eða æfingum er lokið. Það hefur lika borið á því að fólk láti hrossin velta sér í reiðsalnum eftir æfingar.

Allir þeir sem hafa aðgang að húsinu hafa fengið sendar upplýsingar um umgengnisreglur í húsinu. Þeir sem skipuleggja námskeiðin þurfa einnig að brýna fyrir þátttakendum og leiðbeinendum að skila húsinu hreinu af loknum degi.

Til þess að rifja upp fyrir þeim sem ekki muna eftir því hvernig almennar umgengnisreglur eru í Reiðhölliini þá koma þær hér:

1. Notendur hússins skulu sjá til þess að reiðsalurinn sé hreinsaður um leið og hross skilar af sér taði, setja það í hjólbörur og rusl í ruslafötur. Mikilvægt er að spónlagt gólfið sé ávalt hreint.

2. Áður en hross fer inn í reiðsalinn er nauðsynlegt að hreinsa óhreinindi úr hófum, í hesthúsinu eða utandyra.

3. Lausaganga hrossa í reiðsalnum er óheimil. Áríðandi er að hrossin velti sér ekki á gólfinu og kembing hrossa í reiðsal er óheimil.

4. Hreinsa skal stíur í hesthúsi sem notaðar eru og tæma hjólbörur í safnhaug utandyra. Sópa skal ganga hesthússins.

5. Gæta skal að því að slökkva ljós í hesthúsi og sal, ef enginn annar er í húsinu við brottför.

Auk þessa þykir rétt að árétta að óheimilt er að vera með hunda í húsinu og reykingar eru ekki leyfðar innandyra.

Eins og sjá má eru þessar reglur ekki íþyngjandi fyrir notendur hússins. Taka skal fram að enginn starfsmaður er í húsinu til þess að halda því hreinu. Við verðum því að taka höndum saman og vinna saman að því að húsið sé ávalt aðlaðandi við komu.

Félagar í hestamannafélögunum Smára og Loga eru lang stærstu eigendur hússins og það er því akkur okkar að húsið sé ávalt í sem bestu standi.

Ég vona að nýja gólfefnið fái að njóta sín lengi í húsinu og haldi eiginleikum sínum sem best. Göngum vel um og bendum hvoru öðru á ef okkur finnst vera misbrestur á því.

F.h. stjórnar Reiðhallarinnar á Flúðum,
Bjarni H. Ásbjörnsson, formaður.

25.02.2019 20:37

Annað vetrarmót Smára

Annað vetrarmót Smára fer fram 2 mars næstkomandi :) Mótið er með sama sniði og hefur verið upp á síðkastið og gestir úr nágrenni velkomnir :) Við ætlum að reyna að vera úti, ef aðstæður og veður leyfir ;)
Posi er ekki á staðnum fyrir skráningargjald ! :)
Að þessu sinni ætlum við að byrja klukkan 11 á skráningum vegna þess að þetta er Hjónaballsdagurinn ! Pollar hefjast 11.30 og mótið sjálft klukkan 12.00. Verðlaunaafhending verður í kaffiteríunni að móti loknu.
VIð vonum að sjá sem flesta, sérstaklega pollana okkar því þeim var sárt saknað á síðasta móti. Psst ! krakkar ! við ætlum í löggu og bófa !
Barna Unglinga og Ungmenna 1500 kr
Áhugamenn og Opinn flokkur 2000 kr
Gestir borga 500 kr aukalega :) !
Hlökkum til að sjá sem flesta 2.mars næstkomandi

20.02.2019 21:02

Æska Suðurlands

Fyrsta mót Æsku Suðurlands verður haldið í reiðhöllinni á Flúðum, sunnudaginn 3. mars og hefst kl 11.00 og er mótið í umsjón Smára, Loga og Trausta. 
Keppt verður í eftirfarandi greinum:

Börn – þrígangur og smali 
Unglingar – fjórgangur V2 og smali 
Ungmenni – fjórgangur V1 og smali

Boðið er upp á æfingartíma í smalanum á föstudaginn 1. mars frá kl 17.00 og einnig á sunnudagsmorgun frá kl 8.00 – 10.45 í reiðhöllinni á Flúðum.

Einnig er boðið upp á æfingartima fyrir krakkarna í Smára, Loga og Trausta í þrígang og fjórgang undir leiðsögn frá Önnu Kristín reiðkennara miðvikudaginn 27.feb frá kl 18.30. Ef áhugi er á að nýta sér það endilega sendið tölvupóst á smarakrakkar@gmail.com svo við getum raðað í hópa.

Skráning fyrir þrígang og fjórgang verður í sportfeng. Þrígangur er skráð sem T3. Skráningar í smalanum verður á smarakrakkar@gmail.com og skráningargjald lagt inn á 325-26-39003 kt 431088-1509 og þarf að senda kvittun sem staðfestingu á sama netfang. Opnum fyrir skráningar á mánudaginn 25/2 og skráningarfrest er til fimmtudaginn 28/2 kl 20.00.

17.02.2019 20:31

Pilates námskeið

Pilates fyrir knapa verður haldið í reiðhöllinni á Flúðum þriðjudaginn 5.mars kl 19.30. Tíminn er ein og hálf klst og eru gerðar æfingar í bland við umræðu. Námskeiðið kostar 4.000:- Kennari er Heiðrún Halldórsdóttir.

Pilates fyrir knapa er sérhannað æfingarkerfi til að bæta ásetu og auka skilning á stjórnun. Skilgreinir ásetu og útskýrir hvers vegna ásetu gallar eru og hvað hver og einn þarf að gera í sínum líkama til þess að laga eða bæta ásetu og stjórnun. Gerðar verða æfingar sem þátttakendur geta tekið með sér heim og æft.  Æfingarnar hjálpa einnig til við verki í líkama, minnka þá eða að þeir hverfa með öllu.

Það á ekki að mæta með hest og þar sem við erum sjálf að gera æfingarnar er gott að taka með handklæði eða dýnu.

Hestamannafélagið býður upp á léttar veitingar eftir tímann.

Skráning á smari@smari.is - Skráningu líkur 3.mars

Allir velkomnir https://static.xx.fbcdn.net/images/emoji.php/v9/t4c/1/16/1f642.png

 

Flettingar í dag: 1841
Gestir í dag: 94
Flettingar í gær: 320
Gestir í gær: 81
Samtals flettingar: 2034240
Samtals gestir: 292801
Tölur uppfærðar: 22.11.2019 21:28:32