Hestamannafélagið Smári

Lög félagsins.

 

1.grein.

 Nafn félagsins er :Hestamannafélagið Smári,og er heimili þess og varnarþing í þeim hreppi sem formaður þess er búsettur í.

 

2.grein.

Stefna félagsins er að stuðla að réttri meðferð hesta,góðri tamningu og vekja athygli á ágæti þeirra og hestaíþróttum.Þessu markmiði hyggst félagið ná með því meðal annars:

1.Að eignast góðan haslaðan skeiðvöll og halda þar hestaþing á ári hverju,svo og einn æfingavöll í hverju sveitarfélagi á félagssvæðinu.

2.Að fræða félagsmenn um hesta,tamningu þeirra,hús,hirðingu og fóður fyirir þá og fl.

3.Að efla áhuga unglinga á hestamennsku.

4.Að safna heimildum um starfsemi félagsins og varðveita það.

 

3.grein

 Félagsmenn getas allir orðið sem áhuga hafa á málefnum félagsins,enda njóti þeir ekki félagsréttinda í öðru hestamannafélagi.Heimilt er að taka þá sem njóta félagsréttinda í öðrum hestamannafélögum sem styrktar eða aukafélaga.Félagar að 16 ára aldri séu gjaldfríir ,en hafa hvorki atkvæðisrétt á fundum né kjörgengi í stjórn félagsins.Teljast þeir því aukafélagar.

Æski einhver að gerast félagi skal hann senda skriflega umsókn til stjórnar félaagsins, ef meirihlut stjórnarsamþykkir umsóknina telst hann fullgildur félagi í hestamannafélaginu Smára.

Úrsagnir úr félaginu skulu vera skriflegar og sendast stjórninni eigi síðar en á aðalfundi.

 

4.grein

Félagsmaður sem skuldar árstillag frá fyrra ári eða stendur í skuld við félagið fyrir eitt eða annað hefur engin réttindi á fundum félagsins á nýju starfsári fyrr en hann hefur að fullu greitt skuld sína.Sá sem ekki greiðir félaginu árstillag telst ekki félagsmaður og fellu sjálfkrafa úr félagaskrá.

 

5.grein

Stjórn félagsins skipa fimm menn:Formaður,varaformaður,ritari,féhirðir og spjaldskrárritari,kosnir til tveggja ára í senn.Annað árið skal kjósa formann og einn stjórnarmann en hitt árið þrjá stjórnarmenn.Að öðru leyti skiptir stjórnin með sér verkum.Verði stjórnarmaður sem hálfnaður með kjörtímabil sitt kjörinn formaður skal kjósa annan í hans stað.Kjósa skal þrjá varamenn árlega og er sá fyrsti varamaður sem flest atkvæði hlýtur.Formaður er fultrúi félagsins útávið og hefur umsjón með öllum framkvæmdum þess.Stjórnin boðar félagsfundi.Formaður setur fundi og skipar fundarstjóra og fundarritara.Í fundarboð skal tilgreint fundarefni.Varaformaður gegnir störfum formanns í forföllum hans.Ritari geymir bækur félagsins og ritar gerðabók á fundum.Féhirðir hefir fjárreiður félagsins með höndum og annast innheimtu.Hann heldur fé félagsins á vöxtum og hefir á hendi greiðslur allarÞeir félagsmenn sem semja eiga reikninga félagsins vegna skulu hafa skilað þeim til féhirðis fyrir lok janúarmánaðar ár hvert.

 

 

6.grein

Á innanfélagsmóti skulu hestar sem taka þátt í gæðingakeppni vera í eigu félagsmanna og hafi þeir ekki tekið þátt í gæðingakeppni annara félag sama ár.Þeir sem koma fram í nafni félagsins á mótum þess skulu vera snyrtilega búnir og félaginu til sóma í hvívetna.

 

7.grein

Félagsfundir skulu haldnir svo oft sem þurfa þykir eða ef 10 félagsmenn óska þess skriflega og tilgreina fundarefni.Fundur skal boðaður með sjö daga fyrirvara og er löglegur ef löglega er til hans boðað.Sé fundur ekki lögmætur má boða til hans á ný á venjulegan hátt oger hann þá lögmætur.

 

8.grein

Aðlafundur fer með æðsta vald félagsins.Hann skal halda í Janúarmánuði ár hvert og boða til hans með minnst 14 daga fyrirvara.Dagsskrá aðalfundar sé:

 

1.Framlagðir endurskoðaðir reikningar félagsins fyrir síðastliðið ár til úrskurðar.

2.Stjórnin leggur fram skriflega yfirlitsskýrslu um starfsemi félagins á liðnu ári.

3.Kosning stjórnar og varastjórnar.

4.Kosning tveggja endurskoðenda og tveggja varaendurskoðenda.

5.Önnur mál.

 

9.grein

Reikningsár félagsins er almanagsárið.Aðalfundur ákveður árstillag sem greiðist fyrir 1.Mars ár hvert.Hafi félagsmaður náð 65 ára aldri og verið í félaginu í 10 ár eða lengur ber honum eigi skylda til að greiða árstillag til félagsins.

 

10.grein

Lögum félagsins verður ekki breytt nema á löglega boðuðum aðalfundi,geta skal þess í fundarboði og verða 2/3 greiddra atkvæða að samþykkja tillöguna.

 

11.grein

Ef um er að ræða að leysa upp félagið verður það að gerast á lögmætum aðalfundi, þar sem mættir eru minnst 3/4 þrír fjórðu atkvæðisbærra félagsmanna.

Verður það þá því aðeins gert að 2/3-tveir þriðju hlutar þeirra greiði því atkvæði,án tillits til þess hve margir eru mættir á fundinum.Sé samþykkt að leggja félagið niður skal boða til aukaaðalfundar til að staðfesta niðurstöðuna.

Verði félagið þannig leyst upp,skal varðveita eignir þess í útibúi Landsbankans á Selfossi.Verði ekki næstu 25 ár stofnað félag á starfssvæði félagsins sem starfar í líkum anda og lög þessi benda til,skal oddvitum á svæðinu falin ráðstöfun á eignum þess.

 

 

Samþykkt á aðalfundi félagsins þann 9/4 2006