Reglur Uppsveitardeildar Reiðhallarinnar á Flúðum.

 

Stjórn Uppsveitardeildarinnar skipa: tveir fulltrúar úr stjórn reiðhallarinnir, einn fulltrúi frá Smára, einn fulltrúi frá Loga og einn fulltrúi frá Trausta.

Hlutverk stjórnar er undirbúningur og utanumhald mótanna.

Uppsveitardeildin er ætluð félögum í  Smára, Loga og Trausta  og er einstaklings- og liðakeppni 4 móta með ca mánaðar millibili.

Knapar verða að vera félagsmenn í Smára, Loga eða Trausta.

Lágmarksaldur keppenda í mótaröðinni er 14 ára

Mótaröðin fer fram í Reiðhöllinni á Flúðum.  

Allur aðgangseyrir og sala á veitingum gengur til Reiðhallarinnar sem einnig sér um rekstur mótaraðarinnar og þann kostnað sem af henni hlýst.

Knapar eru 21

Liðin eru 7 með 3 knöpum hvert.

Keppnisgreinar eru Smali, fjórgangur, fimmgangur, tölt og flugskeið.

Dómarar skulu hafa íþróttadómara réttindi  og séu þeir þrír.

Árlega ber stjórn deildar að standa fyrir úrtöku  um keppnisrétt í deildinni.

Að lokinni úrtöku ár hvert skal mótshaldari draga saman í lið innan hvers félags. Liðin skulu kjósa sér liðsstjóra og getur hann verið innan liðs eða utan.

Liðstjóri er tengiliður síns liðs við stjórn deildarinnar, hann ber ábyrgð á sínu liði, sér um að manna lið sitt og skila inn skráningum á tilsettum tíma

Hvert lið skal afla hið minnsta 50.000 kr í styrki vegna mótaraðarinnar ár hvert.  Liðstjóri ber ábyrgð á að skila inn styrknum fyrir 1. mót til að öðlast keppnisrétt.

Styrktaraðilar fá auglýsingu í öllu prentuðu efni í tengslum við deildina.

 Í Uppsveitadeildinni skulu taka þátt12 knapar úr hestamannafélaginu Smára (4 lið), 6 knapar úr hestamannafélaginu Loga (2 lið)  og 3 knapar úr hestamannafélaginu Trausta (1 lið).

 

 

 

 

Úrtaka

Keppt er í fjórgang og fimmgang. Knapar safna stigum í hvorri grein fyrir sig. Fyrsta sæti gefur 50 stig, annað sætið 49 stig og svo framvegis. Samanlögð stig raða knöpum í þau 14 sæti sem laus eru inn í deildina.

10 knapar halda þátttökurétt frá fyrra ári, keppt er um 11 laus sæti.

Úrtaka skal haldin í síðasta lagi 2 vikum fyrir fyrsta mót.

Reglur þessa gilda að undanskyldri úrtöku fyrir mótaröð ársins 2011 en þar eru laus 14 sæti með vísan til fyrri reglna.

Ef ekki næst næg þáttaka í úrtöku er mótstjórn heimilt að tilnefna knapa í laus sæti.

Mótareglur

Í forkeppni er einn knapi í braut. Knapa er  heimilt að ríða einn til einn og hálfan hring áður en hann hefur keppni.

Sami hestur má keppa í öllum greinum keppninnar.

Riðin eru A og B úrslit

7 knapar komast í úrslit.  4 knapar í B og efsti maður þar ríður sig upp í A úrslit

Knapar skulu ávallt vera snyrtilega til fara og lið í samstæðum jökkum eða peysum

Forföll.
Vegna forfalls liðsmanns getur lið kallað til varaknapa. Þá skal fyrst leita til efsta knapa úr úrtöku frá því félagi og síðan þann næsta. Knapi skal vera tilnefndur tímanlega fyrir næsta mót og verður hann að vera félagsmaður í því hestamannafélagi sem liðið er kemur frá.

Knapar sem keppa í mótaröðinni sökum forfalla, keppa á sama grundvelli og aðrir knapar, safna stigum fyrir lið sitt og sækja stig og verðlaun í einstaklingskeppninni eftir gildandi reglum.

Árangur keppnisliða og einstaklinga er mældur í stigum.

Í einstaklingskeppninni fá 10 efstu knapar stig. 1. sæti gefur 10 stig, 2. sæti 9 stig o.s.frv og leggjast þau saman í heildarstig liðsins

Knapi sem safnar flestum stigum á keppnistímabili er sigurvegari deildarinnar o.s.frv.

Lið sem safnar flestum stigum yfir keppnistímabilið vinnur keppnina.

Séu tveir eða fleiri knapar jafnir í efsta sæti skulu þeir ríða bráðabana eftir reglum forkeppni. Dómarar sýna þá sætaröðun í stað einkunna, ef knapar standa enn jafnir verður kastað hlutkesti. Ef knapar eru jafnir í öðru sæti en því fyrsta, ræður hlutkesti  úthlutun verðlauna og stiga.  

Ef tveir knapar eru jafnir og efstir í úrslitaspretti skeiðkappreiða vinnur sá sem hafði betri tímann inn í úrslitasprettinn.

Ef tveir eru jafnir og efstir í smala vinnur sá sem færri keilur felldi.

Ef tveir knapar eru jafnir í samanlagðri stigasöfnun eftir lokamót deildarinnar  vinnur sá sem hefur unnið fleiri greinar. Ef knaparnir hafa jafn mörg gull ráða þá silfrin og ef þau eru jafn mörg þá bronsin o.sfrv.

Ef tvö lið eru efst og jöfn í samanlögðum stigum eftir lokamót deildarinnar vinnur það lið sem fleiri greinar vann í mótaröðinni, ef þau standa þá enn jöfn vinnur það lið sem oftar var í öðru sæti keppnisgreinar.

Knapar sem ná 10 efstu sætunum í deildinni halda rétti til þáttöku næsta keppnistímabil. Ef einhver þessar 10 kys að halda ekki áfram færist listinn upp.

Keppnisgreinar

Smali (hraðafimi)
Smalinn dregur nafn sitt af einu mikilvægasta hlutverki íslenska hestsins frá örófi alda. Eiginleikar sem prýða góðan smala og smalahest eru nauðsynlegir ef árangur á að nást, þetta eru þættir eins og hraði, kjarkur, fimi og snerpa.
Riðin er braut sem mörkuð er keilum sem ná upp á síður hests. Keilurnar skulu vera þannig útbúnar að þær falli við litla snertingu. Árangurinn ræðst af brautartíma og felldum keilum. Reiknireglur eru þær sömu og í tímabraut torfærunnar. Smalinn er hrein grein í þeirri merkingu að árangurinn er mælanlegur án frávika, þ.e. hann ræðst eingöngu af tíma og felldum keilum en ekki mati dómara. Dómarar eru engu að síður til staðar og meta hvort knapinn fari gegnum öll hlið, telja felldar keilur og hafa eftirlit með reiðmennsku knapa líkt og í öðrum keppnisgreinum.  Riðnar eru tvær umferðir í forkeppni. 10 efstu knapar  úr forkeppni ríða úrslit. Í Úrslitum hefst ný keppni, riðin er ein umferð.

Stigin telja þannig að knapar raðast í sæti eftir besta tímanum, sá sem er fyrstur fær 300 stig, sá næsti 280, 270 o.s.frv. Við hverja fellda keilu dragast frá 14 stig. Ef knapi fer framhjá hliði má hann snúa við og fara í gegnum hliðið. Fari knapi ekki í gegnum hlið er hann fallin úr keppni.

Fjórgangur  Keppt er eftir FIPO reglum.

Fimmgangur  Keppt er eftir FIPO reglum, en vegna vallarstærðar er skeiðið riðið í gegnum höllina. Riðnir skulu 2 sprettir í forkeppni, 3 sprettir í úrslitum. Dæma skal niðurtöku og skeiðsprett en ekki niðurhægingu.

Tölt Keppt er eftir FIPO reglum.

Flugskeið
Skeiðkeppni í gegnum reiðhöll. Sprettfærið er misjafnt eftir reiðhöllum. Útfærsla svipuð og í 100 m skeiði.
Í forkeppni ríða allir knapar tvo spretti, Knapar með 10 bestu tímana ríða tvo spretti til úrslita og ræðst endanleg röðun af tímum í þeim. Ef hestar, tveir eða fleiri liggja ekki í úrslitaspretti ræður besti tími þeirra í forkeppni, í röðun milli þeirra.
Ef tveir eða fleiri hestar liggja ekki í forkeppni dæmast knapar þeirra jafnir gagnvart liðakeppni og deilast liðastig jafn á milli þeirra.